Dinipensaran ti Malacañang iti panangidutok ni Presidente Ferdinand Marcos Jr. kenni sigud nga Iloilo City Mayor Jed Patrick Mabilog kas undersecretary ti Department of the Interior and Local Government (DILG).
Ni Mabilog ket silalatak nga innaig idi ni sigud a Presidente Rodrigo Duterte iti ilegal a droga, isu a pimmanaw ditoy pagilian idi kangitingitan ti drug war.
Segun kenni Palace Press Officer Usec. Claire Castro, awan ti legal a lapped iti panangidutok kenni Mabilog gapu ta awan ti napaneknekan a kaso a maibusor kenkuana.
Kinuna pay ni Castro a no adda koma idi ti natibker nga ebidensiya kontra kenni Mabilog, nabayagen koma a naiparang iti korte ken saan a nagtalinaed nga alegasyon laeng dagiti maibatbato kenkuana.###
