Kalpasan iti groundbreaking ti Caticlan Passenger Terminal Building idiay Caticlan Airport, Aklan, nagderetso ni Presidente Ferdinand Marcos Junior idiay Palawan ita nga aldaw ken sinirip iti Malampaya gas project area babaen ti fly by.
Segun iti presidente, madama iti maisaysayangkat a drilling idiay Malampaya para iti panagtakuat iti oil resources iti lugar.
Paset daitoy ti tarigagay ti gobierno a makabirok ti supply ti langis tapno mapatibker ti oil reserve ken masiguro ti seguridad ti enerhiya ditoy pagilian.
Immuna metten a kinuna ni Energy Secretary Sharon Garin nga adda pay dagiti kapada nga explorations a maisaysayangkat metlaeng kadagiti nagduduma pay a paset ti pagilian, kangrunaan na idiay Mindanao.
