LA UNION – Saan pay laeng nga nakasangpet iti pamilya na ti maysa a mangngalap a dua nga aldawen a mapukpukaw kalpasan a naglayag.
Nabigbig daytoy a ni Teodolo Silab, residente ti Barangay Pagdalagan, San Fernando City, La Union.
Iti pannakiuman ti Bombo Radyo La Union kenni misis Leticia Silab, alas singko ti bigat idi Enero 29 nga nagturong ti asawa idiay taaw ngem agingga iti agdama ket saan pay daytoy a nakasubli.
Inkamang na metten daytoy kadagiti otoridad ken iti Philippine Coast Guard tapno tumulong iti panangsapol ti asawa na.
Kabayatan na, immapela met ti tulong iti pamilya Teodolo iti sinoman a nakakita wenno nakaisar-ongan ti mister na a dagus nga ipakaammo daytoy kadakuada.
Ni Teodolo ket nakalugan iti bangka nga adda marka na a SEA LOVE ken body # SFC-17-1296-14.
