Sinuspende ti City Government of Manila ti klase iti amin a lebel inton Lunes, Enero 13, kagiddan ti National Peace Rally ti Iglesia ni Cristo.
Babaen daytoy iti Executive Order No. 2 Series of 2025 a pinirmaan ni Manila Mayor Honey Lacuna-Pangan.
Nakalanad ti nasao nga EO a ti pannakasuspende ti klase ken trabaho ket tapno maliklikan ti panagadu ti tao iti siudad ti Manila kagiddan ti manamnama a panagdudupudop dagiti mangisayangkat iti rally.
Kadagiti pagadalan, masuspende ti attendance iti amin a lebel, pribado man wenno publiko, in-person wenno online.
Kagiddan ti pannakasuspende ti trabaho kadagiti opisina ti LGU Manila, maparegta met dagiti pribado a kompania a mangsuspende iti trabaho iti dayta nga aldaw.
Kabayatanna, ti pannakasuspende ti admission kadagiti ahensia ti national government a masarakan iti Siudad ti Manila ket adda iti diskresion ti management wenno head of office.
