LA UNION – Adda itan iti custodiya ti Aringay Police Station iti maysa a mannalon nga inarestar dagiti otoridad iti naisayangkat a manhunt operation, gaputi kaso na a rape wenno panagrames.
Kalpasan ti 20 a tawen a panaglemmeng na iti linteg, natiliw met laengen dagiti otoridad iti suspek a managan Rogelio Runas, 55, addaan ti asawa, residente ti Barangay Basca, Aringay, La Union.
Maiyannurot daytoy iti warrant of arrest, napetsaan ti October 21, 1997 nga impaulog pay ni sigud a Judge Clifton Ganay ti RTC Br 31 idiay Agoo, La Union.
Ni Runas ket agtalinaed iti pagbaludan gaputa awan ti nairekomenda a piyansa para iti sangsangwen daytoy a kaso.
