Nakabalud itan iti nagduma a kuerpo ti pulisya ti maysa a mannalon ken musician kalpasanda a makumpiskaran ti bala ken paltog kadagiti pagtaengan dagitoy.
Nabigbig dagiti suspek nga isuda Anthony Bucasas, residente ti Barangay Baybay, idiay ili ti Sto. Tomas ken Eduardo Frigillana, 49, addan asawa, residente met ti Barangay Lloenes West, ti ili nga Tubao, La Union.
Immuna ditoy, impatungpal dagiti otoridad ti search warrant nga impaulog ti pagukuman no sadino nakumpiskar iti pagtaengan ni Bucastas ti (1) cal. 45, (3) nga bala ken (1) empty magazine, idinto a kenni Sevillana ket (1) 38 revolver ken (5) bala.
Maisagsagana metten ti kaso a panaglabsing iti RA 10591 kontra kadagiti suspek idinto a dagiti nakumpiskar kadakuada nga bala ken paltog ket adda ti kustodiya dagiti otoridad.
