Nangipila iti Ombudsman ti plunder case kontra ken ni Senador Rodante Marcoleta mainaig iti mapapati a saan a naideklara a P75 million campaign donations a naawatna idi 2025.
Naidatag ti reklamo iti Sandiganbayan ken karaman pay iti kaso dagiti donors nga isuda Mike Defensor, sigud a kongresista, ken dagiti negosiante nga isuda Aristotle Viray ken Joseph Espiritu.
Segun kadagiti piskal, saan nga indeklara ni Marcoleta iti nasao a gatad iti SALN ken SOCE-na, a nasurok P50 million threshold ti plunder iti sidong ti Republic Act 7080.
Iti counter-affidavit, inaklon ni Marcoleta nga inawat na iti donasion ngem tinakderan na a naggapu daytoy kadagiti pribado a gagayyem ken naaramat metten iti kampania sakbay a naisubmitir ti SALN na.
Kabayatanna, nangisayangkat dagiti kameng ti Iglesia ni Cristo iti tallo nga aldaw a rally kas panangsuporta iti senador, a nagbetlaan ni Senador Imee Marcos ken ni Mike Defensor.
Agtultuloy met a nakapila iti hearing iti Sandiganbayan ken nakasaganan ti CIDG a mangipatungpal iti arrest warrant no ipaulog ti korte.###
