LA UNION – Inaprubaran ti First Division ti Commission on Elections (COMELEC) a kanselaren ti Certificate of Candidacy (COC) ni Marikina Mayor Marcelino Teodoro para iti Marikina first district representative.
Segun iti komisyon, nadiskwalipika ni Teodoro gaputi “material misrepresentation” nga adda pakainaiganna iti residency na idiay Marikina.
Naamwan iti opisina nga awan pay ti nasurok maysa a tawen ken maysa a bulan nga agnanaed ti nasao a lugar sakbay a nangidatag ti Certificate of Candidacy (COC) idi Oktubre.
Maysa kadagiti nagsumite ti petisyon tapno idiskwalipika ni Teodoro ket ni Senate Minority Leader Aquilino “Koko” Pimentel III a makkalaban na para iti nasao a posisyon.
