Naawananen ti talek ni Davao City Mayor Sebastian “Baste” Duterte kenni Presidente Ferdinand Marcos Jr. ken ti Philippine National Police.
Kasaruno paylaeng daitoy ti pannakaarestar ti ama na a ni sigud a presidente Rodrigo Roa Duterte gapo iti arrest warrant ti International Criminal Court para ti mapapati a crimes against humanity idi administrasyon na.
Ti waragawag ti mayor ket kalpasan ti damag a mangisayangkat ti kapulisan ti search warrant iti pagtaengan ti ama na agraman ti pagtaengan ti kabsat na a ni VP Sara Duterte ken ti manongen na a ni Davao City Rep. Paolo Duterte.
Pinaglibakan met ti Davao City Police Office and Police Regional Office-11 ti agwarwaras a damag seknan ti nasao nga search warrants kontra kadagiti Duterte.
Iti sabali met a bangir ket naguummong met dagiti taga-suporta dagiti Duterte iti pagtaengan da tapno ipeksa ti marikrikna da iti agdama a sitwasyon ti pamilya ken ti pagilian.
