LA UNION – Nangirwar ti pammilin iti mayor idiay ili ti San Juan, La Union maipapan iti panangtiliw dagiti switik nga aglaklako ti padaw wenno sugpo iti igid ti kalsada partikular iti masakopan ti nasao nga ili.
Daytoy ket kalpasan a naka-awat iti opisina ti Mayor Arthur Valdriz iti nagsasaruno a report ken reklamo maipapan kadagiti agsasaur nga aglak-lako ti padaw wenno agkurang ti timbang iti ilaklako dagitoy a produkto.
Mainaig ti daytoy, nabilin iti San Juan Police Station a tiliwen dagiti manglok-loko a negosyante, ket nu saan a masurot iti nasao a pammilin, posible a naan-anayen nga impawil ti lokal a gobyerno ti nasao nga ili iti panaglakwan iti igid ti kalsada, tapno saan a madadael iti imahe ti ili, nangruna kadagiti bisita ken turista.
Kinapudno na, nabayagen ti nasao a problema ngem ita laeng a naipaayan ti importansiya gaputi umad-adu a reklamo a duman-danon kadagiti otoridad.
