BR LA UNION – Personal a nagturong ni Pasig City Mayor Vico Sotto iti Comelec Political Finance and Affairs Department tapno mangidatag ti reklamo nga election overspending ken perjury kontra iti kontratista a ni Sarah Discaya, a timmaray kas mayor iti siyudad.
Segun kenni Sotto, naglabsing ni Discaya iti regulasyon ti Comelec seknan iti umno a panagusar ti campaign funds.
Dinakamat ti mayor nga adda dagiti saan nga agtunos nga impormasyon kadagiti dokumento nga insumite ti kalaban na, banag tapno kaswan na ti perjury.
Maipalagip a ni Discaya iti Chief Financial Officer ti St. Gerard Construction General Contractor and Development Corp., ken nagbalin a sentro ti kontrobersya idi napalabas nga eleksiyon idiay Pasig.
Idi 2025, ni Sotto ke nakagun-od ti nasurok 351,000 a botod, adayu nga amang iti aganay 29,000 a botos laeng ni Discaya, maibasar iti opisyal a resulta ti poll body.
Kabayatanna, kinumpirma ti komisyon a naawat dan iti reklamo ni Sotto ken rinugyan da metten nga adalen dagiti naisumite nga ebidensya.
Iti sidong ti linteg, iti election overspending ket mabalin a paka-diskuwalipikaran ken makaswan pay ti kriminal ti maysa a kandidato.
