Nakemmeg ti maysa nga babae idiay Bauang, La Union bayat ti naisayangkat a buy bust operation itay alas-3:15 ti parbangon, Hulyo 10, 2023.
Nabigbig daytoy a ni Maria Teresita Belangue Antaran, 39y-anyos, balasang, self-employed ken residente ti Brgy. Disso-or, Bauang, La Union.
Babaen ti nagtitipon a pwersa dagiti kapulisan, nakemmeg da ti suspek kalpasan a naduktalan a naglako ti maysa a heat sealed transparent plastic sachet a naglaon ti white crystaline substance a mapapati shabu ti maysa a police posuer buyer.
Narekobre kenkuana ti maysa a brown teddy bear, nga addaan ti maysa a dark blue pouch a naglaon iti uppat a pedaso ti transparent plastic sachets a naglaon ti shabu, maysa a pedaso ti lighter, maysa a kartib, sumagmamano a plastic sachets, maysa a pedaso ti pouch nga agmaris ti berde ken orange pouch nga naglaon ti transparent plastic sachet a naglaon ti white crystaline substance a mapapati a shabu a nabalkot ti papel paper, maysa a pedaso ti nakalukat a sachet nga addaan ti shabu, maysa a pedaso ti genuine 500 peso bill kas buy bust money, uppat a pedaso ti 500 peso bills kas boodle money ken tallo a pedaso ti 1000 peso bills kas boodle money ken maysa a pedaso ti 1000 peso bill .
Ti patta-patta a dagsen dagiti nakumpiskar a shabu ket mol 1 gram nga agbalor ti 6,800.00 ken dagiti dadduma ket mol 20.05 grams nga agbalor ti Php 136, 340.00 .
Napasamak iti inventory ken markings dagiti ebidensya ti lugar a nakapasamakan iti buy bust operation.
Naimatangan daytoy dagiti concerned Brgy. officials ken media representative.
Iti agdama, ti suspect ken dagiti ebidensya ket naiturong ti Bauang MPS para ti naan-anay a dokumentasyon.
