BR LA UNION – Nadun-dunor iti dua a nagkalubbon ti maysa a motorsiklo kalpasan a dimmungpar dagitoy iti maysa nga SUV, agarop alas 9:40 ti bigat idiay Brgy. Payocpoc Sur, Bauang La Union.
Iti SUV ket minaneho ti maysa a foreigner, managan Gary Peace, agtawen ti 72, British National ken residente ti Brgy. Dili Bauang La Union.
Nabigbig met dagiti nadundunor ken nakalugan ti motorsiklo nga isuda: Romell Asillo, agtawen ti 19, isuna ti nagmaneho ti motorsiklo ken nabigbig met iti backride na a ni Roy Asillo, agtawen ti 21, agpada a residente ti San Cornelio, Caba, La Union.
Maibasar iti inisyal nga imbestigasyon dagiti otroridad, a sakbay ti aksidente, iti SUV ket daldalyasaten na iti abagatan a direksyon bayat a ti motorsiklo ket agturong met iti amianan a direksyon idi nagdinnungpar dagitoy, rason ti pannakatumba ti driver ken backride na.
Naiturong dagiti dua iti Ilocos Training and Regional Medical Center, City of San Fernando, La Union para iti pannakaagas dagitoy.
Maipagarop a saan met a naan-anu iti gangannaet ngem nagpasar ti luganna ti pannakadadael, ngem nangnangruna iti motorsiklo.
