Maysa a pagtaengan iti sinirrek ti agtatakaw agarop alas 3:50 idi malem idiay Brgy. Macalva Sur, Agoo, La Union.
Nabigbig iti natakawan a ni Jan Vincent Madarang, 48 anyos, adaan asawa, maysa a nurse ken risedente ti nadakamat nga Barangay.
Nabigbig met iti suspek a ni Ian Kenneth Garcia, 24 anyos, awanan trabaho, addaan live in partner ken risedente met laeng iti nasao nga Barangay.
Maibasar ti police blotter iti Agoo Police Station, agarop 1:30 ti malem ti suspek ket nakita ti lola ti biktima nga agliblibas iti likod ti balayda a magna iti tawa dagitoy.
Ditoy metten nga nadiskubre ti biktima nga mapukpukaw iti pares ti wedding ring da nga agbalor iti P35,000 nga nakadulin iti uneg ti cabinet iti kwarto da.
Iti insayangkat nga manhunt operation ti Agoo Police ket dagus nga naarestar ti suspek ken naiturong iti La Union Medical Center para iti Medical Examination kalpasan na naiturong ti kustodiya ti Agoo Police Station para iti na-anay nga disposisyon.
