LA UNION – Naidatagan ti kaso a Robbery with intimidation of person idiay Caloocan City Regional Trial Court (RTC) iti naarestar a police seargeant kalpasan a maipagarop nga immawat ti P30,000 manipud iti kabsat ti natiliw a suspek iti illegal drug trading.
Binigbig ti Department of Justice (DOJ) iti nakaswan a pulis a ni PSSG Andro C. Centeno, naka-assign iti Amparo Police Sub-Station idiay Caloocan City.
Imbaga ti DOJ a naarestar ni Centeno idi Hunyo 24 iti insayangkat nga entrapment operation ti Philippine National Police-Integrity Monitoring and Enforcement (PNP-IMEG).
Kinuna na a ni Centeno ket akto nga umaw-awat ti P30,000 manipud iti maysa a babae a kiniddawan na ti bayad kasukat ti pannakawaya-waya iti kabsatna a naaresto gaputi iligal a droga.
Ginandat ti aglibas ni Centeno ngen nakemmeg met laeng dagiti operatiba ti PNP-IMEG asideg iti condominium.
Umabot ti P100,000 ti intuding ti korte a piyansa para iti temporaryo a pannakawaya-waya ni Centeno.
