LA UNION – Natay iti maysa a 60-anyos a lakay ken tallo iti nadundunor kalpasan a nadungpar ti nagluganan da a traysikel babaen iti kotse, iti kawatiwatan ti Bauang-Baguio road, a sakop ti Barangay Sili, Naguilian, La Union.
Iti pimmusay ket nabigbig iti nagan a Ricky Gundran, maysa a construction worker.
Dagiti met tallo a nadundunor ket pakaibilangan iti tricycle driver a ni Oliver Estadian, 40, addaan asawa ken dua pay nga occupants nga isuda Renalyn Lacsamana, 16, balasang ken Aiver Bench Estadian, 11, pada pada dagitoy a residente ti Barangay Aguiaos, Naguilian, La Union.
Nabigbig met iti driver ti kotse a ni Francis Rhar Barad, 28, baro, residente ti Villamor St. Baguio City.
Base iti impormasyon manipud La Union Police Provincial Office (LUPPO), agpa-daya a direksiyon iti traysikel idinto nga agturturong iti laud a direksiyon ti kotse.
Nag-overtake ti kotse iti sar-sarunwen na a bus, nga isu metten ti nakadungparan na iti sumungsungad a traysikel.
Immuna a naiturong dagiti uppat a biktima a nakalugan iti traysikel idiay Naguilian District Hospital ngem nai-tansfer dagitoy iti Ilocos Training and Regional Medical Center (ITRMC).
Ngem gaputi nakaru a pannakadun-dunor ni Gundran partikular iti ulo daytoy ket pimmusay bayat a matamtaming iti ospital.
Adda metten iti natalged a kasasaad dagiti tallo a biktima.
Kabayatanna, iti respondent driver ket naipasidong iti custodiya ti Naguilian Police bayat a maisag-sagana ti kaso daytoy a Reckless Imprudence Resulting in Homicide.
