Nangipataw ti kabaruan a restriksion iti Trump Administration a mangkalkalikagom kadagiti news organizations nga umanamong a saan da nga iruar dagiti impormasion a saan nga inaprobaran ti gobierno.
Iti maysa a memo idi Biernes, kenuna ti Department of Defense a mawaswas dagiti press credentials dagiti journalists a nangipablaak ti sensitibo nga impormasion – a segun kadagiti media advocates ket manglapped ti independent reporting.
Dagos met a kinondena daytoy dagiti nadumaduma a media organizations kas iti New York Times, Reuters, Washington Post, ken Wall Street Journal.
Nagtalinaed a committed iti departamento iti transparency tapno maitandudo iti accountability ken panagtalek ti publiko. Nupay kasta, kasapulan a maaprobaran para ti panakairuar iti publiko dagiti impormasion manipud ti Department of War babaen ti maitutop ken autorisado nga opisial.
Iti nasao nga addang iti mangmarka iti kaudian nga instansia ti administrasion a mangyaplikar ti pressure iti media idiay Estados Unidos a nabayagen a dil-dillawen ni Trump a biased maibusor kenkuana.
Mangipakita pay daytoy ti pannakapalawa dagiti restriksion iti access dagiti journalists idiay Pentagon nga adda iti sidong ni Defense Secretary Pete Hegseth.###
