Nag reponde dagiti kameng ti Bauang Municipal Police Station ti Vehicular traffic incident a napasamak iti igid ti National Highway a sakopen ti Barangay Santiago, Bauang.
Dagiti nairaman a lugan ket maysa a pick-up, nakarehistro iti nagan ni Edwin Nobleza, a minaneho ni Clinton Nobleza, 23 anyos, baro, cashier, residente ti nasao a lugar ken ti motorsiklo a nakarehistro iti nagan ni Jeanette Zulueta Bagtas a minaneho ti maysa a minor de edad a residente ti Caba, La Union.
Maibasar iti imbestigasyon, sakbay ti insidente agpada nga agturturong ti aminan a direksyon ti dua a behikulo.
Idi a makadanonda iti lugar ti insidente, naglikkto ti pick-up iti agpakannawan tapno sumrek iti gate da idi a nag-overtake ti motorsiklo a nagbanag ti pannakadungpar na ti kutit ti immun-una a lugan.
Gapu iti dayta, natinnnag ti driver ti motor iti kalsada, nagsagaba ti pannadundunnor iti nagduduma a paset ti bagi na a dagus nga naiturong iti Caba District Hospital tapno mataming.
Saan met nga naan-ano ti driver ti pick up.
Agpada a nadadael ti dua a lugan a saan pay nga ammo ti pakabuklan a danyos ti pannakaitarimaan dagitoy.
