Diangadag ni Philippine Atmospheric, Geophysical, and Astronomical Services Administration Administrator (PAGASA) Nathaniel Servando dagiti Local Chief Executive (LCE) a saan laeng nga agpokus kadagiti lugar a landfall area.
Panawagan daitoy ti state weather bureau chief kalpasan a madamag iti reaksyon na iti arig na pammabasol ti maysa a local chief executive manipud probinsya ti Cagayan iti PAGASA gapo ta saan a simmakto ti landfall area ti nadakamat da a lugar idi nagduprak iti super typhoon (ST) ‘Ofel’.
Maipalagip nga immune a balakad ti weather bureau nga aglandfall ti Bagyong Ofel iti ili ti Santa Ana wenno Gonzaga, Cagayan ngem naglandfall met daitoy kamaudiananna iti coastal town ti Baggao.
Apela ni Servando kadagiti Local Chief Executives, nasken a saan laeng nga agpokus kadagiti landfall area.
Nalawa kinunana ti sakop iti bagyo nu sadino ket nu nakaibayog ti tropical cyclone wind signal ti maysa a lugar, kasapulan a saganaan ti ‘worst case scenario’.
Kalmado met nga immapela ti state weather bureau chief kadagiti local leaders a kanayon a saganaan ti mabalin a mapasamak ti aniaman nga oras nu adda dagiti didigra.
Segun kenni Servando, sakbay pay iti panag-landfall ti bagyo ket nangipaayen ti ahensya ti naan-anay a pakdaar ken abiso mainaig iti posible a mapasamak.
Impalagip ti opisyal a maapektuan ti bagyo ti amin a lugar a sakop ti sirkulasyon na, direkta man iti landfall wenno saan, kasapulan nga saganaan amin dagiti local leaders.
