BR LA UNION – Namnamaen a makapadas ti naulep a tangatang ken natudo a panawen iti Luzon inton bigat, Agosto 23 gaputi habagat, segun iti state weather bureau.
Maibasar iti 4 p.m. bulletin ti weather bureau, mangigubway ti habagat iti naulep a tangatang a mabuyugan ti mawaras-waras a panagtudo ken panaggarru-od iti Ilocos, Region, Cordillera Administrative Region (CAR), Batanes, Cagayan, Zambales, Bataan, Nueva Ecija, Bulacan, Tarlac ken Pampanga.
Apagapaman a nakuyem agingga a naulep iti tangatang ti namanamaen a mapasaran idiay Metro Manila ken nabatbati a lugar iti Luzon ken sagpaminsan a panagtudo wenno thunderstorms.
Makapadas met ti apagapaman a nakuyem agingga naulep a tangatang a mabuyogan ti isolated rain showers wenno thunderstorms iti nabatbati a paset ti pagilian gaputi localized thunderstorms.
Kabayatanna, namnamaen a sumrek iti teritoryo ti Pilipinas iti Typhoon Saudel inton Lunes, Agosto 24 ken maawagan a bagyo Obet.
