Agbalin a paset to sigud a Denver Nuggets head coach Michael Malone iti NBA countdown ti Western Conference finals kas maysa nga analyst.
Kalpasan nga ikkaten ti Nuggets, nasurok makabulanen ti napalabas, ket agsubsubli manen ti spotlight ni Malone nga ag-akem kas tagabinglay ti pregame ken halftime analysis, kakadwa na isuda Malika Andrews, Stephen Smith, Bob Myers, Kendrick Perkins, ken Shams Charania.
Maipalagipa a nakairecord ti 471 wins ni Malone ti las-ud ti siyam a tawen kas head coach ti Denver Nuggets ken iggem na pay ti record kas winningest coach.
Indauloan na ti Nuggets ti damo da nga NBA championship idi tawen 2023 ken kadagiti innem a simmuruno nga playoff appearances.
Ita a tawen ket nakastrek latta ti playoffs iti Nuggets babaen ti interim coach da a ni David Adelman ngem naabak da iti Game 7 ti second round kontra Oklahoma City Thunder.
Kabayatanna, mangrugi met iti Western Conference finals inton aldaw iti Martes (Miyerkules ditoy Pilipinas), idiay Oklahoma City ti nagbaetan ti Minnesota Timberwolves ken Oklahoma City Thunder.
