Nagpanawagan ni US President Donald Trump kenni NBA star LeBron James a dumawat iti pammakawan gapu iti maipagarop a kinaawan ti panagraem daitoy iti national anthem ti Estados Unidos.
Segun kenni Trump, maipagarop nga agtultuloy ni James iti panagsanay ti golf swing ken basketball shots bayat iti panagtukar ti national anthem sakbay iti ay-ayam ti Philadelphia 76ers kontra New York Knicks.
Inallukoy ni Trump iti atleta nga agkiddaw ti pammakawan kadagiti beterano ken suldado nga Amerikano.
Maipalagip a nabayagen nga agbibinnalaw da Trump ken James.
Idi 2018, inawagan ni Trump a saan a nasirib iti basketball star kalpasan na a babalawen iti Presidente ken akusaran a racist.
Idi Hulyo, inwaragawag met ni Trump iti panagsuporta kenni Michael Jordan kas kalaingan a basketball player iti intero a lubong.
