Nag-apela ni US President Donald Trump tapno ipa-awan bisa ti sentensia kenkuana iti kaso a hush money a mainaig iti $130,000 a naibayad kenni aktres a ni Stormy Daniels.
Iti pannakadengngeg ti kaso idi nobyembre 5, Huebes, sinaludsod dagiti mahistrado kadagiti abogado ni Trump maipapan iti legal a nakaibasaran ti apelana, agraman ti pannakausar ti linteg iti campaign finance ken ti isyu ti presidential immunity.
Idi tawen 2024, napaneknekan a nakabasol ni Trump iti 34 a bilang ti panangpeke kadagiti rekord ti negosio mainaig iti bayad a maipagarup a naaramid tapno mailemmeng ti impormasion maipapan kenkuana sakbay ti 2016 eleksion, ngem inlibak met ni Trump dagiti alegasion maibusor kenkuana ken saan a timmabuno ni Trump iti hearing.
Agingga ita, saan pay a nangipaulog ti korte iti desision no palubosanna ti nasao nga apela.
