Kinuna ni United States President Donald Trump a nakasagana daytoy a mangawat iti agbalin a resulta ti midterm elections iti America, agraman ti posibilidad a makontrol ti Democratic Party ti Kongreso.
Innayonna pay a nakasagana daytoy a makipagtrabaho kadagiti Democrats.
Maangangay ti midterm elections iti tengnga ti termino ti presidente tapno pumili kadagiti baro a mammanday-linteg iti Kongreso ken sabali pay nga opisial.
Malagip a sakbay ti eleksion, kinuna ni Trump a raemenna laeng ti agbalin a resulta no “honest” ti eleksion.
Agtultuloy met mabanbantayan dagiti resulta dagiti karera iti Kongreso tapno maikeddeng no agtalinaed iti Republican Party wennu mapan iti Democratic Party ti panangtengngel ti dua a kapulungan.
