LA UNION – Addan iti nasayaat nga kasasaad ti maysa a mister kalpasan daytoy nga inkali iti nakarinnikyar na iti maysa a pagiinoman idiay ili ti Bauang, La Union.
Nabigbig ti biktima a ni Jose Gundran, 29, residente ti Barangay Palugsi-Limmangsangan iti nadakamat nga ili.
Immuna ditoy, inpakaammo ni Diana Baticolon kadagiti otoridad ti napasamak iti kadindinna na a Jose.
Naamuan manipud iti Bauang Police, sakbay iti insidente ket naginom ti biktima ken ni Lando Gundran, 26, baro iti arubayan ti naud-udi iti maaddaan iti saan a panagkinnaawatan dagiti dua.
Ditoy metten a tinagtakbat ni Lando ti biktima iti nadumaduma a paset ti bagi na ken idi mapukawan iti puot ket inkalida ti bagi na babaen iti tulong dagiti kakaduana nga isuda Isagani Galuan, 41, addan asawa, Eriquito Galuan, 46, addan asawa, ken Loreto Gundran, 39, agpapada nga residente iti nadakamat a lugar iti abot nga adda kauneg na a innem a kadapan ken inaddaganda pay ti dua a dadakkel nga bato.
Narekobre met iti bagi ti biktima gapu iti nagsayasay nga dara na manipud iti pagtaengan ti suspek.
Kabayatan na, dagus met a naglibas ti suspek kalpasan iti inaramid na idinto a saan metten nga masapolan ti buneng nga inusar na iti pannagbat.
