LA UNION – Sumangsango iti kaso a panaglabsing iti R.A. 10591 wenno Illegal Possession of Firearm and Ammunitions iti maysa a 46-anyos a mister idiay San Antonio, Aringay, La Union.
Daytoy ket kalpasan a nakumpiskaran iti cal. 45 a paltog ken lima a bala ti paltog, iti insayangkat a panagsukimat dagiti otoridad iti mismo a pagtaengan ti suspek a managan Pami Mercado, addaan asawa, iti nasao a lugar.
Daytoy ket maiyannurot iti search warrant nga impaulog ni Regional Trial Court Judge Ethelwolda Jaravata, Branch 32 idiay Agoo, La Union.
Iti suspek ket naipasidong iti custodiya ti Aringay PNP para iti umno a disposisyon.
