LA UNION – Dead on arrival idiay Bacnotan District Hospital ti maysa a mister kalpasan daytoy nga maaksidente iti kawatiwata ti Barangay Road nga paset ti Barangay Sapilang idiay ili ti Bacnotan, La Union idi rabii.
Nabigbig ti pimmusay nga biktima a ni Orlado Gavina, addan umno nga edad ken residente ti Barangat Lacong, idiay ili ti San Gabriel.
Segun iti Bacnotan Police, daldalyasaten ti biktima ti nasao nga kalsada a nakalugan iti motorsiklo idi maipagarop nga napukawan ti kontrol iti manibela.
Numan pay naitaray iti ospital ngem saanen nga naisalakan pay isuna dagiti doktor.
Maipagarop nga adda iti impluwensya ti arak ti biktima idi mapasamak ti aksidente.
