LA UNION – Arestado iti maysa a wanted person idiay probinsiya Pangasinan iti naisayangkat nga ‘ OPLAN ANOP ‘ iti Barangay Carlatan, San Fernando City, La Union.
Iti suspek ket managan Benindo Galario Jr. , 51-anyos, addaan asawa, tubo ti Barangay Pao, Manaoag, Pangasinan.
Babaen iti nagtipon a puwersa ti San Fernando City PNP ken Laoac Police Station idiay Pangasinan, inarestar da iti suspek, gaputi sangsangwen daytoy a kaso a panaglabsing iti R.A. 9262 wenno “Anti-Violence Against Women and their children (VAWC) Act of 2004.”
Maiyannurot daytoy iti warrant of arrest nga impaulog ni Judge Joven Maramba ti RTC Br 49 idiay Urdaneta City , Pangasinan.
Mainaig ti daytoy, aganay P24,000 iti nairekomenda a piyansa para iti temporaryo a pannakaruk-at na manipud pagbaludan.
