LA UNION – Dead on arrival iti pagagasan ti maysa a motorcycle rider idinto a kritikal ti kondisyon ti backrider na kalpasan nga simmalpot iti naglugananda a motorsiklo iti kutit ti delivery truck idiay Barangay Pagdalagan Sur idiay ili ti Bauang, La Union idi rabii.
Binigbig ti Bauang Police ti natay a ni Noel Azares, 25, idinto a kritikal i Ronald Bolante, 25, agpada dagitoy nga residente ti Quezon City.
Maibasar iti nakalap nga impormasyon ti Bombo Radyo La Union manipid Bauang Police, agpada nga agturturong iti agpaabagan a direksyon ti motorsiklo no sadino sumarsaruno daytoy iti delivery truck. Maipagarop a nagmaniobra ti delivery truck tapno agpa gas idi apag isu a dimmungpar ti motorsiklo iti kutit daytoy.
Gapu iti insidente nagsagaba iti nakaro a sugat dagiti biktima ken dagus a naiturong iti Ilocos Training Regional & Medical Center iti ciudad ti San Fernando tapno mataming ngem saan nga naigasatan ni Azares.
Agtultuloy met iti imbestigasyon dagiti otoridad iti mabalin a pagsungbatan ti respondent driver iti insidente.
