Nagsabaga ti pannakadundunor ti maysa a musician kalpan a maidungpar ti nagluganan na a behikulo iti maysa a fire truck idi kalman ti rabii.
Nabigbig ti biktima a ni Ivan Ocampo Remiendio, 28 anyos, addan asawa ken residente ti Barangay Gibraltar, Baguio City.
Sakbay ti insidente, ti Isuzu FVR 34 fire truck a minaneho ni FO1 Marc Juluis Gapuz Way-as, 25 anyos, baro ken assigned iti Bauang Fire Station, Bauang ken residente ti Baranagy Suyo, Bagulin, La Union ket nagabante manipud iti parking area na nga agturong iti agpa-amianan idi a ti sumungad a lugan ti biktima ket aksidente a naidungpar ditoy.
Kas resulta ti insidente, ti biktima a ni Remiendio ket natulid iti kalsada ket nagsagaba ti pannakadundunor kasaruno ti pannakaiturong na iti Ilocos Training Regional Medical Center Hospital tapno mataming idinto a saan met a nadundunor ti driver ti fire truck.
Numan agpada a nadadael dagiti dua a behikulo ket saan pay nga ammo iti pakabuklan a danyon ti pannakaitarimaan dagitoy.
