Dumanon iti 130 a muslim ken kristiyano iti nabenipisyaran ti libre a medical ken dental mission, nga insayangkat ti PNP-San Fernando nga indaulwan ni PLt. Col Fernando Acain Jr.
Iti nasao nga aktibidad ket naisayangkat iti Namtutan Muslim Village idiay Brgy. Namtutan, siyudad ti San Fernando La Union idi kalman, Hulyo 15, 2023.
Daytoy ket paset pay laeng iti selebrasyon ti maika 28 a Police Community Relations Month ti Philippine National Police.
Dagiti benipisyaryo ket naipaayan iti libre a medical consultation, nakaawatda ti libre nga agas, dental check-up, tooth extraction, ken libre a food packs.
