LA UNION – Nangparnuay ti komosyon kadagiti tattao nga adda iti merkado publiko idiay Bauang, La Union iti napasamak a panang-atakar ken panangbagsol iti dua a lallaki iti maysa a muslim vendor.
Iti biktima ket managan Jalani Pacuti, 24, baro, residente ti Barangay Quinavite, Bauang
Bayat a dagiti suspek ket nabigbig met nga isuda Oma Said alyas ‘tattoo boy burdado’, residente ti Brgy. Central West, Bauang ken Gardo Dumaob, 23, baro, residente ti Barangay Dallangayan, San Fernando City ken agpapada dagitoy a muslim.
Base iti report, magmagna ti biktima idi kellaat nga inatakar dagiti suspek ken binagsol da ni Pacuti babaen iti mapapati a swiss knife.
Napartak met nga immarayat iti kabsat a lalaki ken uliteg iti biktima ket napasamak iti panagrarambol dagitoy.
Kas resulta, nagsagaba ti pannakadun-dunor iti naduma-duma a paset ti bagi dagiti karaman iti nasao a riribok.
Naiturong iti ITRMC dagiti nasugatan ngem dagus a naglibas iti maysa kadagiti suspek a ni Omar, sakbay pay a nakapagresponde iti nasao ospital dagiti otoridad.
Nupay kasta, iti maysa a suspek a ni Dumaob ket naarestar ken adda ita iti custodiya ti Bauang PNP.
Saan pay a nalawag nu anya ti motibo iti napasamak a krimen.
