Nagballaag ti Taguig City and Integrated Terminal Exchange (TCITX) kadagiti motorista mainaig ti trapiko ita nga aldaw sadiay Western Bicutan, Taguig City.
Ita nga aldaw gamin a maangay ti groundbreaking ceremony nu sadino ket ti TCITX ket maaddaanen ti sentralisado a lugar a pagalaan ti ticket dagiti pasahero.
Karaman ditan dagiti pasahero nga concourse tapno agbalin nga nannayas ti operasyon ken mapasayaat ti kapadasan dagiti biyahero.
Sabali pay ditoy ti maysa nga pedestrian walkway a kumonektar ti Philippine National Railway (PNR) FTI Station ken Metro Manila Subway system a mangpalaka ti access ken naannayas a koneksyon kadagiti nadumaduma nga klase ti transportasyon para kadagiti commuters, kas kinuna ti Department of Transportation (DOTr).
Maballaagan pay dagiti motorista a dumalyasat laengen kadagiti alternatibo nga ruta, karamanen iti Skyway.
Kabayatanna, segun iti Department of Transportation, apaman agbalin nga operaional daitoy ket pagnumaran to amin nga pasahero manipud Batangas, Laguna, nagduduma a paset ti Metro Manila, kasta metten dagiti agturong kadagiti terminal a kumonektar ti Visayas ken Mindanao.
