BR LA UNION – Inrekomenda ti National Police Commission (NAPOLCOM) ti pannaka-ikkat ni sigud a Criminal Investigation and Detection Group (CIDG) chief Police Brigadier General Romeo J. Macapaz agraman ti 11 pay a pulis.
Adda pakainaiganna daytoy iti kaso a panagpukaw dagiti sabungero.
Segun kenni NAPOLCOM Vice Chairman and Executive Officer Ralph Calinisan, nakakita da ti nadagsen nga ebidensiya ti grave misconduct, obstruction of justice ken conduct unbecoming ti maysa a police officer.
Dagiti pulis a nairekomenda a maikkat a dagus ket isuda: Police Lieutenant Colonel Ryan J. Elia Borapa; Police Major Mark Philip Cimborio Almedilla, Police Executive Master Sergeant Aaron Ezra Lagahit Cabillan, Police Chief Master Sergeant Arturo Opalla Dela Cruz Jr., Police Senior Master Sergeant Joey Natanawan Encarnacion, Police Senior Master Sergeant Mark Anthony Aguilo Mandrique, Police Senior Master Sergeant Anderson Orozco Abari, Police Staff Sergeant Alfredo Uy Antes, Police Staff Sergeant Edmond Hernandez Muñoz , Police Corporal Angel Joseph Ferro Martin ken Police Staff Sergeant Renan Lagrosa Colencho.
Malaksid ti pannaka-dismiss da, maibabawi pay ti retirement benefits, kanselasyon ti eligibility ken perpetual disqualification ti panangiggem ti anyaman nga opisina ti gobyerno.
Ti pannaka-ikkat ni Macapaz ket desisyon ni Presidnt Ferdinand Marcos Jr. bayat a ti panangikkat iti 11 a pulis ket dagus a maipatungpal.
