Impasigurado ti Department of Justice (DOJ) nga agtultuloy ti panagrang-ay ti kaso kadagiti mapukpukaw a mammallot.
Segun kenni Justice Secretary Fredderick Vida, tuloy ti prosekusyon iti panangipatungpal ti mandato da tapno mapagsungbat dagiti karaman iti kaso, karamanen iti negosyante a ni Charlie “Atong” Ang ken dadduma pay.
Kinuna ti Sekretaryo a maibasar ti kinapudno ti imbestigasyon iti prosekusyon, kasaruno dagiti damag a mangibunbunong ti kwarta iti kampo ni Atong Ang kadagiti pamilya dagiti biktima.
Inyunay-unay ni Secretary Vida a saan a direkta a makaapektar ti kaso iti panangipaay ti tulong agsipud ta agbasar latta ti imbestigasyon kadagiti natibker nga ebidensya.
Saan met a makaapektar kaspangarigan umatras dagiti testigo agsipud ta malaksid kadagiti testimonya ket maibasar pay kadagiti maaw-awagan kas object wenno real evidence iti desisyon.
