LA UNION – Iyaw-awis ti National Police Commission (NAPOLCOM) ti PNP Entrance and Promotion Examination para kadagiti ranggo a Police Officer, Senior Police Officer, Police Inspector ken Police Superentendent inton bulan ti Octobre 21, 2018 maiyannurot iti mandato ti Konstitusyon nga imatonan ti Philippine National Police.
Segun kenni NAPOLCOM Regional Director 1 Evangeline R. Almirante, ti On-line Application ket naituding inton July 30-August 3, 2018 para iti PNP Entrance Exam; August 6-10; para iti Police Officer Exam; August 13-17; Senior Police Officer; Police Inspector & Police Superentendent Examination.
Kabayatan na, aglippas iti Filing ti Application para iti PNP Entrance & Promotional Examination ket agingga inton August 28-September 24, 2018.
Impaganetget ni Almirante, a dagiti laeng aplikante nga addaan ti confirmed scheduled appointment ti maasikaso. Kabayatan na, kasapolan nga addan iti NAPOLCOM Regional Office ti examinee iti aldaw ti eksaminasyon karaman ti dadduma pay a requirements daytoy.
