BR LA UNION – Dumanon iti pakabuklan a bilang a 132 a kameng ti Philippine National Police (PNP) iti saan nga inaprubaran ti Commission on Elections (Comelec) tapno agbalin a local absentee voters ita nga eleksyon.
Maibasar iti impormasyon a nakalap ti PNP-Public Information Office, saan a simrek iti allagaden ti Comelec dagiti pulis a naituding a mairaman iti local absentee voting, nangrugi ita nga aldaw .
Sumagmamano kadagiti grounds a makitkita iti saan a pannaka-aprubar dagiti pulis ket mabalin a saan a makita ti nagan dagitoy manipud iti listaan ti national list of registration of voters; iti naisumite nga application ket saan a nasapataan; saan nga umabot iti intuding a panawen ti aplikasyon; iti application form ket mabalin a photocopy wenno facsimile copy laeng; wenno iti certification portion ti panagbalin nga LAV ken saan a nakumpleto wenno naisumite a saan a nafill-upan iti amin a paset.
Kabayatanna, nangrugi ita nga aldaw ti local absentee voting idiay Camp Crame nga indaulwan mismo ni PNP Chief PGen. Rommel Francisco Marbil .
Agpaut agingga Abril 30 ti panagbotos dagiti personnel ti PNP a naisayangkat iti Multi-purpose center iti kampo agingga 5:00pm ti malem.
