Rinugianen ti Commission on Elections (COMELEC) ti panangideploy ti first batch dagiti nasurok 7.5M a balota para ti National Capital Region (NCR).
Karaman kadagiti first batch ket ti Caloocan, Pasig, Marikina, Valenzuela, Quezon City, Malabon, Navotas, ken San Juan.
Indauloan ni Commission on Elections (COMELEC) Chairman George Erwin Garcia ti panangideploy ti nasao a balota kasaruno ti panangallukoy na kadagiti kandidato, dadduma a maseknan, ken dagiti umili nga agsaksi da iti panangiwaras kadagiti balota iti bukod da a lugar.
Mainaig iti daitoy, madlawan pay nga adda selyo na ti mismo a truck a nakaikabilan dagiti balota tapno masiguro ti kinatalged dagitoy.
Amin a balota ket posible a maawat dagiti Electoral Board Members inton Dominggo wenno parbangon ti Lunes Lunes kadagiti Treasurer’s Office. Impasiguro ni Garcia a saan a makaapektar daitoy agsipud ta asideg laeng dagiti presinto.
Innayon na pay a naawat metten dagiti nagduduma nga ili dagiti balota agraman dagiti sabali pay nga election paraphernalia. Kinunana nga awan ti nagbalin a problema ti deployment para ita nga eleksyon.
