BR LA UNION – Kinumpirma ni US Secretary of War Pete Hegseth a pinalned ti maysa nga US submarine ti Iranian Navy frigate IRIS Dena idiay Indian Ocean wenno 40 nautical miles manipud Galle city idiay southwestern Sri Lanka.
Ti moudge-class frigate IRIS Dena ket tinamaan ti U.S. MK 48 heavyweight torpedo idi March 4, 2026.
Makita iti video nga inruar ti Pentagon, a tinamaan ti torpedo iti Iranian frigate ket limned daytoy.
Napasamak ti insidente bayat nga agawiden ti barko manipud MILAN 2026 International Fleet Review a naisayangkat idiay India.
Daytoy ti umuna nga insidente a limned ti maysa a kalaban a barko babaen ti American submarine sipud idi World War II.
Segun kadagiti otoridad idiay Sri Lankan port city of Galle, 87 a bagi ti insangpet dagiti military rescuers a nagresponde iti distress call, bayat a 32 dagiti na-rescue ken maag-agasan iti ospital, ken 60 iti mapukpukaw manipud iti aganay 180 a nakalugan iti nasao a barko.
Iti naisayangkat a Pentagon press briefing, imbaga ni Hegseth nga ”America is winning,” ken agturong ti US forces idiay Middle East, tapno ipatungpal ti misyon da, “Decisively, devastatingly, and without mercy.”
Immunan nga imbaga ni President Donald Trump nga awan ti nalawag a timeline iti pananggibus ti military operations, ngem posible kunana nga agpaut ti maysa a bulan wenno nabaybayag pay.
