BR LA UNION – Gimmastos ti nasurok P8 billion iti Commission on Elections (Comelec) iti agtultuloy a panagsagana para iti umadanin a Barangay ken Sangguniang Kabataan Elections (BSKE).
Iti nasao nga eleksiyon ket nakatuding a maisayangkat iti umuna a lawas ti Nobiyembre 2026, ngem adda ti gakat nga itantan manen daytoy.
Iti interview ti Bombo Radyo kenni Comelec Chair George Garcia, impaganetget na a dakklel a paset ti pondo ti komisyon iti nabusbosen iti panagsagana para kadagiti mausar nga election paraphernalia kas ti panag-imprenta ti balota.
Iti agdama, adda pay nabatbati nga P11 billion a pondo nga inlatang ti komisyon kas honoraria kadagiti teachers nga agserbi iti eleksiyon, , pondo para iti training, ken mausar iti deployment dagiti arwaten.
Nakatuding a denggen ti Senado iti sumarsaruno a lawas iti gakat nga itantan iti Barangay ken Sangguniang Kabataan Elections 2026, ken segun kenni Garcia, sumango iti nasao a panagdengngeg tapno ipeksa ken ilanad ti kinasagana ti komisyon.
Segun kenni Chairman Garcia, agingga a saan a makanselar iti eleksiyon ket agtultuloy iti panagsagana ti komisyon ken panangbukel iti sumagmamano a contingency measures.
Aganay 70 million Pilipino iti kwalipikado nga agbotos iti Barangay ken Sangguniang Kabataan Elections 2026, maibasar iti record ti Commission on Elections.
