BR LA UNION – Nangrugi ti election period ita nga aldaw, Enero 12, para iti May 12 midterm election.
Paset iti panagrugi ti panawen ti eleksiyon ditoy pagilian, maipat-patungpal ti nair-irut nga addang babaen iti nationwide gun ban ken checkpoints dagiti otoridad ita nga aldaw.
Nairanta daytoy tapno maprebentaran dagiti election-related violence.
Iti sidong ti Omnibus Election Code, iti election period ket agpaut ti 90 days sakbay iti kaaldawan ti eleksiyon ken agleppas 30 aldaw kalpasan ti eleksiyon, inton June 11.
Segun iti Commission on Elections, ti campaign period para iti senatorial candidates ken party-list groups ket mangrugi inton February 11 agingga May 10.
Malaksid iti aldaw ti Abril 17 ken Abril 18, a panang-obserbar ti pagilian iti Huwebes ken Biyernes Santo (Semana Santa).
Kabayatanna, ti campaign period para kadagiti kandidato ti kina-kongresista, kina-bokal, gobernador, mayor, ken kina-konsehal ket mangrugi inton Marso 28 agingga Mayo 10.
