LA UNION – Mangisay-sayangkat ti naun-uneg pay nga imbestigasyon dagiti otoridad seknan iti nasarakan a bangkay ti lalaki a nauram idiay Barangay Quirino, Bacnotan La Union.
Nabigbig ti biktima a ni Mark Dave Galario Valdez, 21 years old, Engineering Student ti University of Cordilleras ken residente ti Brgy. Alipangpang, Pozorrubio, Pangasinan.
Maibasar iti inisyal a imbestigasyon, maysa a managan Hermin Pascual Geronimo, 56-anyos, truck driver ken residente ti Aritao Nueva Vizcaya, iti nakakita ti bangkay idi im-paradana ti trailer truck a manmanehuen na tapno mapan koma umisbo daytoy.
Dagus a nagkiddaw ti tulong kadagiti aglabas ti lugar tapno ipakaammo ti naduktalan na.
Agingga ita ket blangko pay laeng dagiti otoridad ti motibo ti insidente.
