BR LA UNION – Nag-positibo iti gunpowder residue ti maysa a volunteer ti National Bureau of Investigation (NBI) nga inaresto seknan iti napasamak a pammaltog iti uneg ti Senado, segun iti Southern Police District (SPD).
Segun kenni Southern Police District Public Information Office chief Police Lt. Margaret Panaga, a maibasar iti naisayangkat a panagamiris “positive iti presence ti gunpowder” iti suspek a nabigbig iti alyas a “Mel Oragon.”
Inaresto ti suspek kalpasan ti insidente ken naipasidong iti inquest proceedings gaputi kaso panaglabsing iti Republic Act 10591 wenno Comprehensive Firearms and Ammunition Regulation Act, alarm and scandal, direct assault, trespass to property, ken panaglabsing iti security protocols ti Senado.
Maipalagip a napasamak ti insidente idi rabii ti Miyerkules iti uneg ti maikadwa a kadsaaran ti Senado bayat a maipatpatungpal ti lockdown, a nangparnbuay ti buteng ken riribok.
Kabayatanna, impaganetget ti abogado ken asawa ti suspek nga isuna ket maysa a driver laeng ti maysa kadagiti NBI operatives ken saan a regular nga empleyado ti ahensya.
