Nagkamang iti kuerpo ti pulisya ti maysa a negosyante kalpasan nga saan a naisubli kenkuana ti narentaan a lugan daytoy.
Nabigbig iti agrekreklamo a ni Julius Castro, 50 anyos, addaan asawa, residente ti Barangay Catbangen,
City of San Fernando, La union.
Segun kenni Castro, rinentaan kenkuana ni Gracian B Famiran, addaan ti umno nga edad ken residente ti Barangay Pagdaraoan ti maysa a Van a kukua ti asawa na a ni Caroline Castro.
Napaay kuna na ni Famiran nga isubli ti lugan iti naituding nga aldaw no sadino nakitada ti nasao a lugan idiay San Louis Delmar Resort, Barangay Baccuit Norte, Bauang La Union.
Iti insayangkat nga imbestigasyon dagiti otoridad, ti nasao a behikulo ket narentaan iti uneg ti 15 nga aldaw no sadino nagbayad iti gatad a P37,000 ni Famiran.
Impaganetget ni Famiran a nagbalin isuna a middleman ken iti managan Maribeth S. Vergara a residente ti Brgy. Urbiztundo, San Juan, La Union.
Kasangwanan iti aldaw a pannakaisubli ti lugan ket kimiddaw ni Vergara ti pawayway ken inkari nga isubli ti lugan kalpasan iti national ken local election. Nupay kasta, inpakaammo ti gayyem ni Castro a nakita na ti lugan na a mailaklakon daytoy iti facebook ti managan Renel R. Tan idiay Baguio City idi May 6, 2022.
Iti dayta met laeng nga aldaw babaen iti GPS ni Castro ken natuntunda ti lugan na idiay San Louis Delmar Resort, Barangay Baccuit Norte, Bauang La Union.
Ditoy ngaruden a nagpaarayat iti kapulisan ni Castro ken naduktlan ti lugan na ket addaan iti posisyon it managan Hector Guinto Jr, 59 anyos, addan asawa ken residente ti Camp 7, Baguio City.
Kabayatanna, ni Castro ken iti kasinsin ni Eric Hector Guinto a ni Eric de Ausen Pati, residente ti Loakan, Baguio City ket addaan iti immuna a nagsaritaanda idi May 7,2022 maipapan iti nasao a lugan.
Ditoy a kinuna De Ausen Pati a ti nasao a lugan ket insalda kenkuana ni Maribeth Vergara iti gatad a P300,000.00 pesos.
Agtultuloy ita ti imbestigasyon dagiti otoridad.
