Nangipatayab ti North Korea ti maipagarup nga intermediate-range ballistic missile (IRBM) idi Lunes, kagiddan iti panagbisita ni US Secretary of State Antony Blinken idiay Seoul, South Korea.
Segun iti militar ti North Korea, naipatayab ti missile idi agarup tengnga ti aldaw, saan a nagbayag kalpasan ti pannakisarak ni Blinken kenni interim President Choi Sang-mok, a simmaruno ken ni Presidente Yoon Suk Yeol kalpasan ti pannakasuspendena.
Impasigurado ni Blinken ti suporta ti Estados Unidos iti seguridad kontra North Korea ken inawaganna ti napigsa a postura ti depensa kontra kadagiti pangta ti Pyongyang.
Nagdaliasat ti missile iti nasurok a 1,100 a kilometro sakbay a nagdiso iti baybay.
Kas sungbat, impaganetget ni Blinken ti kinapateg ti panagtitinnulong ti Estados Unidos, South Korea, ken Japan, nangruna iti tay-ak ti panagbibinninglay iti real-time missile data ken panangisayangkat iti joint military exercises.
Napaliiw met ni Blinken ti makapadanag a koneksyon ti North Korea ken Russia, nangnangruna iti konteksto ti gubat idiay Ukraine.
Kabayatanna, impateg met ni US President Joe Biden ti pannakapapigsa ti panagtitinnulong ti Estados Unidos, South Korea, ken Japan, uray no adda riri ti South Korea ken North Korea; ngem adu ti mangkuestion iti panagsubli ni US President-elect Donald Trump no masustinerda ti agtultuloy a panagregget a mangpapigsa iti puersada.
