Nakaawat iti tulong pinansyal dagiti Nonagenarians a residente ti Bacnotan, La Union manipud iti Provincial Government of La Union (PGLU) ken lokal a gobyerno ti Bacnotan.
Naipaay ti tulong pinansyal kadagiti Nonagenarians nga addaan iti bracket age a 90-94 ken 95-99 manipud nagduduma a barangay.
Dumanonen iti 80 dagiti kwalipikado a nonagenarian beneficiaries a taga-Bacnotan ita a tawen, ket 79 kadagitoy ket agtawen iti 90-94 ken maysa ti agtawen iti 95.
Amin dagitoy ket nakaawat iti pinansyal manipud Provincial Government of La Union bayat a nangipaay met iti sabali pay nga tulong iti lokal a gobyerno ti Bacnotan para kadagiti kwalipikado a nonagenarians.
Personal a sinarungkaran da La Union Governor Rafy Ortega-David ken Bacnotan Mayor Divine Fontanilla dagiti nonagenarians manipud Barangay Santa Cruz, Bacnotan, La Union.
