Impannakkel ti North Korea a ti baro nga intermediate-range ballistic missile-da nga addaan iti hypersonic warhead ket kabaelan a parmeken ti aniaman nga aggressor iti Pacific region.
Daytoy ket kalpasan ti pannakairuar dagiti nadakamat a missiles idi Lunes.
Naikoordinar ti missile launch kabayatan ti kaadda sadiay Seoul ni US Secretary of State Antony Blinken a nakitaripnong kadagiti lider ti South Korea.
Narigrigat a madlaw ken paltogan dagiti hyperonic weapons ta maminlima a daras a naparpartak dagitoy ngem iti speed of sound.
Impannakkel pay ti North Korea a ti missiles-da ket nagtayab iti 12 a daras ti speed of sound nga addaan iti kangato a 1,500 a kilometro sakbay a nagtinnag kamaudiananna iti kabaybayan wenno taaw.
