Awan iti kinapudno na iti rumrumuar nga NPA sighting iti kabantayan nga paset iti ili ti San Juan, La Union.
Daytoy mismo iti kinumpirma iti Bombo Radyo La Union ni Police Capt. Gerardo Macaraeg, chief of police ti San Juan Police Station.
Segun kenni Capt. Macaraeg, awan ti kinapudno na daytoy agsipudta isuda a mismo ket nangisayangkat ti panagsukimat maipapan iti daytoy.
Immuna ditoy, rimmuar iti maysa nga post iti social media no sadino adda dagiti maipagarop nga aramado a lallaki nga agkatang-katang iti rabii a pagbutbutngan ita dagiti residente.
