Agtaltalinaed a bigtime iti panagngato ti presyo dagiti produkto a petrolyo inton bigat, maibasar iti early estimate manipud kadagiti napalabas a trading day.
Ti gasolina ket posible a maaddaan ti kanayunan a nasurok-kumurang ₱6.20 tunggal litro, ₱20.00 iti diesel, ken ₱13.00 iti kerosene.
Inlawlawag dagiti eksperto a dagiti presyo ken mabalin pay nga agbaliw depende iti garaw ti world market trend.
Ti manamnama a panagngato ket gapu ti agtultuloy a panagngato ti presyo ti langis iti sangalubongan a merkado, a direkta a makaapektar iti lokal a presyo ti produkto a petrolyo.
Manamnama nga iti panagtultuloy ti nadakamat a trend ket manayunan ti dadagsen dagiti motorista ken consumer, partikular kadagiti sektor a mangnamnama iti transportasyoon ken enerhiya.###
