LA UNION – Nangipamatmat ti laing ni Carlos Yulo iti dua a pet events daytoy iti men’s gymnastics individual qualification iti 2024 Paris Olympics idiay Bercy Arena.
Napintas iti performance ti 24-anyos a Filipino gymnast iti paborito na a floor exercise, ket nakailista ti 14.766 puntos, provisionary second spot iti nasao nga event.
Iti nagballaygi iti floor exercise ket ni Jake Jarman ti Great Britain, nga addaan ti 14.966 puntos.
Simrek ni Yulo iti final round ti floor exercise ken gymnastics vault, kalpasan a provisionary sixth spot daytoy iti vault event.
Iti agdama, adda iti maikawalo a pwesto ni Yulo iti all-around ranking ken adda iti 24 nga atleta ti umabante iti finals.
Nupay kasta, marigatan ni Yulo iti pommel horse (13.066), rings (13.000), parallel bars (14.533), ken horizontal bar (13.466) isunga narigat a maka-abante iti final round kadagiti nasao nga uppat nga apparatus.
